Zakot qo'llanmasi

Zakot to'lash bo'yicha to'liq qo'llanma va ko'rsatmalar

Zakot nima?

Zakot - mulki nisobdan ortiq har bir voyaga yetgan musulmon uchun farzdir.

Zakot - Islomning 5 ustunidan biri

Zakot musulmon kishining kam ta'minlanganning ma'lum guruhlariga to'lashi kerak bo'lgan boylik miqdoridir. Zakotning o'zi soliq ham, sadaqa ham emas, aksincha Alloh taolo nazarda tutgan, boylarning kambag'allarga bo'lgan mas'uliyati va burchini anglatadigan majburiy ibodatdir.

Zakot - farzdir

U farz bo'lishi uchun musulmon kishi balog'atga yetgan va uning mol-mulki nisob miqdoridan oshgan bo'lishi lozim. Zakot miqdori kishining egalik qilayotgan mol-mulkiga qarab hisoblanadi.

Ishchi / xodim

Kishining daromadi va boshqa mol-mulklarini hisoblash uchun qulay.

Tadbirkor / Biznesmen

Shaxsning egalik qilib turgan tashkiloti va boshqa mol-mulklarni hisoblash uchun qulay.

Fermer / Chorvador

Fermerning egalik qilib turgan chorva mollari va boshqa mol-mulkini hisoblash uchun qulay.

Investor

Investorning daromadli aktivlarini va boshqa mol-mulklarni hisoblash uchun qulay.

Universal murakkab

Shaxsning bir nechta daromadli mol-mulklarini hisoblash uchun qulay.

Qancha zakot to'lanadi?

Boyligi yoki mol-mulki ma'lum bir moliyaviy chegaraga (nisobga) teng yoki undan yuqori bo'lgan musulmonlar o'zlarining boyliklarining 2,5 foizini muhtojlarga xayriya qilishlari shart.

Nisob miqdori

Nisob 595 gramm kumush yoki 85 gramm oltin sifatida belgilangan.

Kumush

595 gramm kumush nisob miqdori

Oltin

85 gramm oltin nisob miqdori

Qanday boyliklardan zakot chiqariladi?

Zakot quyidagi turdagi mol-mulklardan to'lanadi:

Oltin va kumush, shu jumladan zargarlik buyumlari yoki tarkibida oltin va/yoki kumush bo'lgan zargarlik buyumlari
Uyda yoki bank hisob raqamlarida saqlanadigan naqd pul
Boshqalarga qarzga berilgan pul
Savdo va mollardagi biznes zaxiralari
To'g'ridan-to'g'ri yoki investisiya fondlari orqali egalik qilinadigan aksiyalar
Pensiyalar
Investisiya maqsadida olingan mulk
Qishloq xo'jaligi mahsulotlari
Sigir, echki va qo'y kabi chorva mollari

Zakot - moliyaviy ibodatdir

Namoz - musulmonning badaniy ibodati, ro'za esa ruhiy ibodat bo'lsa, zakot - moliyaviy ibodatdir. Zakot qilgan kishi belgilangan mol-mulkining maxsus qismini Alloh yo'lida haqdorlarga ajratib bergan va uning qolgan qismini poklagan bo'ladi.

Kimlarga zakot beriladi?

Faqirlar

Miskinlar

Kambag'al va muhtoj kishilar

Zakot yig'uvchi kishilar

Islom diniga oshna qilinuvchi kishilarga

Qullarni ozod qilish uchun

Alloh yo'lidagilar

Ayrim ulamolar tolibi ilmlarga zakot berilsa Alloh yo'lida zakot berilgan bo'ladi deyishgan.

Qarzini to'lay olmagan kishilar

Qarz yukidan qiynalib qolgan kishilar

Musofirlar

O'z diyori va molidan uzoqqa ketib, musofirlikda qiyin ahvolga tushib qolgan kishilar

Qachon zakot to'lash lozim?

Musulmonning boyligi birinchi nisobga yetgan yoki undan oshgan kundan zakot yili boshlanadi va har yili shu kunda to'lanishi lozim bo'ladi.

Zakotni oldindan to'lash mumkinmi?

Musulmon kishilar ixtiyoriy ravishda zakotni oldindan to'lashlari mumkin. Bunda 2 ta shart bajarilishi lozim: zakot oluvchi ham beruvchi ham mos ravishda zakot olishga va berishga haqli bo'lishlari kerak.

O'tqazib yuborilgan zakot to'lanadimi?

Avvalgi yillardagi zakot to'lamagan shaxs zakot qarzini iloji boricha tezroq to'lashi kerak. O'tqazib yuborilgan zakot bu yilgisi singari hisoblab chiqiladi - ammo nisob qiymati o'tqazib yuborilgan zakot yilidan olinadi.